- 341 -

1388. März 18. Liegnitz.

Bischof Wenzel zu Breslau confirmirt einen Vergleich zwischen Reynold Kaczbach, Altaristen des h. Andreas und Aller-Heiligen in der Marienkirche zu Liegnitz und dem Rothe der Stadt, betreffend die Umwandlung eines jährl. dem Altar von den Herzogen Wenzel und Ludwig zugestandenen Zinses von 6 Maas Gerste in eine halbe Mark.

In nomine domini amen. Ad perpetuam rei memoriam. Nos Wenceslaus dei gracia episcopus Wratislauiensis notum facimus tenore presencium vniuersis, quod venientes ad presenciam nostram discretus vir dominus Reynoldus Kaczbach, altharista siue rector altharis sancti Andree apostoli omniumque sanctorum in ecclesia sancte Marie virginis in Legnicz dudum erecti et fundati ex una et prouidi ac honesti viri Petrus Hertil preconsul, Paulus Wysgerwer, Bernhardus Gor, Petrus de Heida, Petrus Slotenik et Johannes Kern, consules Legnicenses, suis et tocius vniuersitatis nominibus parte ex altera, non coacti nec decepti seu per errorem et improuide sed prouida deliberacione hincinde prehabita ex certis ipsorum sciencijs recognouerunt publice et expresse, inter ipsos mutuo ordinacionem et concordiam infra scriptam interuenisse super censu annuo sex mensurarum ordei, de quo sunt littere illustrissimum principum Wenceslai et Ludowici dominorum Legnicensium dicto althari et ejus ministris concesse ipsorumque sigillis sigillate continentes plenioris: videlicet prefatus dominus Reynoldus profitebatur expresse, quod prefati, magister consulum et consules Legnicenses sibi presentassent naturaliter et cum effectu quinque marcas grossorum Pragensium numeri et Polonici pagamenti, pro quibus quidem pecunijs comparari debet alius census annuus et perpetuus dimidie marce grossorum predictorum in locum antedicti census dictarum sex mensurarum ordei surrogandus, de quoquidam censu eciam dictus Reynaldus bene stetit contentus et ea occasione mox cessit et renunciauit suo et omnium suorum successorum nominibus dicti altharis ministrorum pro tempore omni juri, jurisaccioni, arrestacioni ac impeticioni sibi et suis successoribus altharistis prefati altharis in prefato censu ordei quolibet competentibus. Nobisque fuit hincinde a dictis partibus humiliter supplicatura, quatenus omnia et singula premissa rata et grata habere dictumque censum dimidie marce dicto althario incorporare ac in locum census sex mensurarum ordei prescripti surrogare gratiosius dignaremur; nos parcium ambarum precibus fauorabiliter annuentes prefatum commutacionis contractum censuüm prescriptorum omnia et singula premissa rata et grata habentes dictum quoque censum dimidie marce in locum census sex mensurarum ordei surrogentes ipsum prefato althario et suis ministris pro tempore incorporamus et applicamus per presentes, interponentes nichilominus premissis omnibus et singulis nostram auctoritatem ordinatam et decretum presentes fieri jussimus nostri sigilli munimine roboratas. Actum et datum Legnicz XVIIIa die Martij, anno domini millesimo trecentesimo octuagesimo octauo, presentibus honorabilibus strenuo (!) et validis viris, dominis Ottone de Ryzewicz, Johanne alias Johan canonicis Legnic., Andrea Przechod milite, Johanne Trache, Vinco de Spira et Georgio Fulschussil canonicis Othmuchouiensibus et alijs pluribus fidedignis testibus ad premissa.

O. d. St. L. NO. 171. An Pergamentstreifen das grosse elliptische Siegel des Bischofs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866